നിലവിൽ പാസ്പോർട്ട് ഇല്ലാത്തവരും, ഉള്ള പാസ്പോർട്ടിന് മുകളിൽ പറഞ്ഞ നിശ്ചിത കാലാവധി ഇല്ലാത്തവരും എത്രയും പെട്ടെന്ന് തന്നെ പുതിയ പാസ്പോർട്ടിനായി അപേക്ഷ സമർപ്പിക്കേണ്ടതാണ്. ഹജ്ജ് അപേക്ഷ സമർപ്പിക്കുന്നതിനായി വളരെ കുറഞ്ഞ സമയപരിധി മാത്രമേ ലഭ്യമാവുകയുള്ളൂ എന്നതിനാൽ അവസാന നിമിഷങ്ങളിലെ തിരക്ക് ഒഴിവാക്കാൻ അപേക്ഷകർ അടിയന്തരമായി ശ്രദ്ധിക്കണമെന്ന് ഹജ്ജ് കമ്മിറ്റി അസിസ്റ്റന്റ് സെക്രട്ടറി മുജീബ് റഹ്മാൻ പുത്തലത്ത് അറിയിച്ചു.
പ്രത്യേക നിർദ്ദേശം: 'Surname' നിർബന്ധം
പുതിയതായി പാസ്പോർട്ടിന് അപേക്ഷിക്കുന്നവർ തങ്ങളുടെ അപേക്ഷയിൽ ഇനിഷ്യൽ അല്ലെങ്കിൽ കുടുംബപ്പേര് (Surname) തീർച്ചയായും രേഖപ്പെടുത്തേണ്ടതാണ്. വിസ നടപടിക്രമങ്ങൾ സുഗമമാക്കുന്നതിനായി പാസ്പോർട്ടിന്മേൽ 'Surname' നിർബന്ധമാണെന്ന കാര്യം അപേക്ഷകർ പ്രത്യേകം ഓർക്കേണ്ടതാണ്.
പ്രത്യേക ശ്രദ്ധയ്ക്ക്: ഹജ്ജ് അപേക്ഷകൾ സ്വീകരിച്ചു തുടങ്ങുന്ന സമയത്ത് സാധുതയുള്ള പാസ്പോർട്ട് കൈവശമില്ലാത്തവർക്ക് അപേക്ഷിക്കുവാൻ സാധിക്കുന്നതല്ല. അതിനാൽ പാസ്പോർട്ട് സംബന്ധമായ കാര്യങ്ങൾ മുൻകൂട്ടി തന്നെ പൂർത്തിയാക്കുക.
