പാലക്കാട്ടെ മരണവീട്ടിലേക്ക് പോവുകയായിരുന്ന രാജേഷ് ബാബുവും സംഘവും സഞ്ചരിച്ച ട്രാവലർ വാൻ കേടായതിനെ തുടർന്ന് റോഡരികിൽ നിർത്തി ഹോട്ടലിൽ ഭക്ഷണം കഴിക്കാൻ പോയിരുന്നു. ഭക്ഷണം കഴിച്ച് തിരികെ റോഡ് മുറിച്ചുകടക്കുമ്പോളാണ് അപകടം. മുക്കം ഭാഗത്ത് നിന്ന് അമിത വേഗതയിലെത്തിയ KL 10 BK 9191 നമ്പർ ടാറ്റ പഞ്ച് കാർ രാജേഷ് ബാബുവിനെ ഇടിച്ചുതെറിപ്പിക്കുകയായിരുന്നു.
അപകടത്തിന് ശേഷം കാർ നിർത്താതെ പോയതിനെ തുടർന്ന് നാട്ടുകാർ പിന്തുടർന്ന് കോഴിക്കോട്-കൊല്ലഗൽ ദേശീയപാതയിൽ അമ്പായത്തോട് വെച്ച് പിടികൂടി പോലീസിൽ ഏൽപ്പിച്ചു.
മൃതദേഹം താമരശ്ശേരി താലൂക്ക് ആശുപത്രിയിൽ സൂക്ഷിച്ചിരിക്കുകയാണ്. സംഭവത്തിൽ താമരശ്ശേരി പോലീസ് കേസെടുത്ത് അന്വേഷണം ആരംഭിച്ചു.
