അപേക്ഷ സമർപ്പിക്കേണ്ട രീതി
കടാശ്വാസം ആവശ്യമുള്ള കർഷകർക്ക് വ്യക്തിഗത അപേക്ഷകൾ 'സി' ഫോമിൽ പൂരിപ്പിച്ച് ആവശ്യമായ രേഖകൾ സഹിതം കർഷക കടാശ്വാസ കമ്മീഷനിൽ നേരിട്ടോ തപാൽ മുഖേനയോ സമർപ്പിക്കാം. അപേക്ഷയിൽ ഫോൺ നമ്പർ നിർബന്ധമായും ചേർക്കണം.
സമർപ്പിക്കേണ്ട രേഖകൾ
- റേഷൻ കാർഡിന്റെ പകർപ്പ്.
- വരുമാനം തെളിയിക്കുന്ന വില്ലേജ് ഓഫീസറുടെ സാക്ഷ്യപത്രം (അസ്സൽ).
- അപേക്ഷകൻ കർഷകനാണെന്ന് തെളിയിക്കുന്ന കൃഷി ഓഫീസറുടെ സാക്ഷ്യപത്രം (അസ്സൽ) അല്ലെങ്കിൽ കർഷക തൊഴിലാളി ആണെന്ന് തെളിയിക്കുന്ന കർഷക തൊഴിലാളി ക്ഷേമനിധി പാസ് ബുക്ക്/ഐഡി കാർഡിന്റെ പകർപ്പ്.
- കൃഷി ഭൂമിയുടെ ഉടമസ്ഥാവകാശം തെളിയിക്കുന്ന കരം അടച്ച രസീതിന്റെ പകർപ്പ് അല്ലെങ്കിൽ പാട്ടക്കരാറിന്റെ പകർപ്പ്.
- വായ്പ നിലനിൽക്കുന്ന ബാങ്ക് പാസ് ബുക്കിന്റെ പകർപ്പ്.
സംസ്ഥാന സർക്കാരിന്റെ കാർഷിക കടാശ്വാസം മുമ്പ് ലഭിച്ചവർ വീണ്ടും അപേക്ഷിക്കേണ്ടതില്ല.
സംസ്ഥാനത്തെ സഹകരണ ബാങ്കുകളിലെ വായ്പകൾ മാത്രമാണ് ഈ പദ്ധതിക്കായി പരിഗണിക്കുന്നത്. മറ്റ് ബാങ്കുകളിൽ നിന്നുള്ള വായ്പകൾക്ക് അപേക്ഷ സ്വീകരിക്കില്ല.
കൂടുതൽ വിവരങ്ങൾ കർഷക കടാശ്വാസ കമ്മീഷൻ ഓഫീസുകളിൽ ലഭ്യമാണ്.
