മഞ്ചേരി കച്ചേരിപ്പടി സ്വദേശിയായ വിദ്യാർത്ഥിയെയാണ് ഞായറാഴ്ച ഉച്ചയോടെ പതങ്കയം പുഴയിൽ കാണാതായത്. ഞായറാഴ്ച വൈകീട്ട് മുതൽ അഗ്നിരക്ഷാ സേനയും പോലീസും നാട്ടുകാരും സംയുക്തമായി തിരച്ചിൽ നടത്തിയിരുന്നെങ്കിലും ഫലം കണ്ടില്ല.
പുഴയിൽ ജലനിരപ്പ് ഉയർന്നതും
ശക്തമായ മഴയും തിരച്ചിലിന് തടസ്സമാകുന്നുണ്ട്. മുക്കം, തിരുവമ്പാടി യൂണിറ്റുകളിലെ അഗ്നിരക്ഷാ സേനാംഗങ്ങളും കോഴിക്കോട്, മലപ്പുറം ടീമുകളും തിരച്ചിലിൽ പങ്കെടുത്തു. അബ്ദു റഷീദ് മുക്കം, മുജീബ് പൊറ്റശ്ശേരി, അബ്ദു റസാഖ് എന്നിവരാണ് തിരച്ചിൽ പ്രവർത്തനങ്ങൾക്ക് നേതൃത്വം നൽകുന്നത്.
