വികസന നേട്ടം എൽ.ഡി.എഫ് സർക്കാരിനും എം.എൽ.എയ്ക്കും ലഭിക്കുമെന്ന ഭയത്താൽ കോൺഗ്രസ് നേതാക്കളാണ് കുപ്രചരണങ്ങൾക്ക് പിന്നിലെന്ന് നാട്ടുകാർ ആരോപിക്കുന്നു. നിർമ്മാണ വേളയിലുണ്ടാകുന്ന സ്വാഭാവികമായ പ്രായോഗിക ബുദ്ധിമുട്ടുകളെ പർവ്വതീകരിച്ച് കാട്ടി പദ്ധതിയെ തകർക്കാനാണ് ഇവരുടെ നീക്കം.
യാഥാർത്ഥ്യം ഇങ്ങനെ:
രണ്ട് വലിയ പദ്ധതികളാണ് ഒരേസമയം ഈ പാതയിൽ നടപ്പിലാക്കുന്നത്.
- അമൃത് പദ്ധതി: 18 കോടി രൂപ ചെലവഴിച്ചുള്ള കുടിവെള്ള പദ്ധതി.
- റോഡ് വികസനം: 5 കോടി രൂപയുടെ നവീകരണ പ്രവർത്തനങ്ങൾ.
പൈപ്പ് ലൈൻ സ്ഥാപിച്ചതിനുശേഷം മാത്രം ടാറിംഗ് നടത്തിയാലേ റോഡ് ദീർഘകാലം നിലനിൽക്കുകയുള്ളൂ എന്നതിനാലാണ് പ്രവൃത്തികൾ ഇത്തരത്തിൽ ക്രമീകരിച്ചിരിക്കുന്നത്. എം.എൽ.എയുടെ നേതൃത്വത്തിൽ ഉദ്യോഗസ്ഥരും ജനപ്രതിനിധികളും ചേർന്നടുത്ത തീരുമാനപ്രകാരമാണ് ഈ പ്രവർത്തനങ്ങൾ ഏകോപിപ്പിക്കുന്നത്. നിലവിൽ റോഡിന്റെ വീതി കൂട്ടുന്നതിനായി പാറകൾ പൊട്ടിച്ചു മാറ്റുന്ന ജോലികളും, കൽവെർട്ടുകളുടെയും ഡ്രൈനേജിന്റെയും പണികളും അവസാന ഘട്ടത്തിലാണ്.
നാടിന്റെ നന്മയ്ക്കായി നടക്കുന്ന ഈ ബൃഹത്തായ പദ്ധതിയെ രാഷ്ട്രീയ മുതലെടുപ്പിനായി ദുരുപയോഗം ചെയ്യുന്നവരെ ജനങ്ങൾ തിരിച്ചറിയണമെന്നും, വികസന വിരോധികളുടെ കുപ്രചരണങ്ങളെ തള്ളിക്കളഞ്ഞ് നാടിന്റെ മുന്നേറ്റത്തിനായി ഒന്നിച്ച് നിൽക്കണമെന്നും പി.ടി. ബാബു (മാമ്പറ്റ) പ്രസ്താവനയിൽ അറിയിച്ചു.
