തസ്തികകളും അപേക്ഷാ വിവരങ്ങളും:
പ്രധാന തസ്തികകൾ: സ്റ്റേഷൻ മാസ്റ്റർ, ഗുഡ്സ് ട്രെയിൻ മാനേജർ, കൊമേഴ്‌സ്യൽ കം ടിക്കറ്റ് ക്ലർക്ക്, ജൂനിയർ ക്ലർക്ക് കം ടൈപ്പിസ്റ്റ് തുടങ്ങി നിരവധി ഒഴിവുകളുണ്ട്.
പ്രായപരിധി: 18 നും 33 നും ഇടയിൽ പ്രായമുള്ളവർക്ക് അപേക്ഷിക്കാം. പട്ടികജാതി, പട്ടികവർഗ്ഗ, ഒബിസി തുടങ്ങിയ സംവരണ വിഭാഗങ്ങൾക്ക് കേന്ദ്ര സർക്കാർ നിയമങ്ങൾക്കനുസരിച്ച് പ്രായപരിധിയിൽ ഇളവ് ലഭിക്കും.
അവസാന തീയതി: അപേക്ഷകൾ സമർപ്പിക്കേണ്ട അവസാന തീയതി നവംബർ 20 ആണ്.
കൂടുതൽ വിവരങ്ങൾ: പൂർണ്ണമായ വിജ്ഞാപനം കാണാനും അപേക്ഷിക്കാനും https://www.rrbapply.gov.in/ എന്ന വെബ്സൈറ്റ് സന്ദർശിക്കുക.
തെരഞ്ഞെടുപ്പ് പ്രക്രിയ വിശദാംശങ്ങൾ:
നിയമനത്തിനായി മൂന്ന് ഘട്ടങ്ങളായുള്ള തെരഞ്ഞെടുപ്പ് പ്രക്രിയയാണ് റെയിൽവേ ബോർഡ് ക്രമീകരിച്ചിരിക്കുന്നത്.
ഒന്നാം ഘട്ടം: കമ്പ്യൂട്ടർ അധിഷ്ഠിത പരീക്ഷ (CBT-1)
എല്ലാ തസ്തികകൾക്കുമുള്ള പൊതുവായ സ്ക്രീനിംഗ് പരീക്ഷയാണിത്.
ചോദ്യഘടന: 90 മിനിറ്റിൽ 100 ഒബ്ജക്റ്റീവ് തരം ചോദ്യങ്ങൾ.
വിഷയങ്ങൾ (മാർക്ക്): ജനറൽ അവയർനെസ് (40), മാത്തമാറ്റിക്സ് (30), ജനറൽ ഇന്റലിജൻസ് ആൻഡ് റീസണിംഗ് (30).
നെഗറ്റീവ് മാർക്ക്: ഓരോ തെറ്റായ ഉത്തരത്തിനും 1/3 നെഗറ്റീവ് മാർക്ക് ഉണ്ടായിരിക്കും.
രണ്ടാം ഘട്ടം: കമ്പ്യൂട്ടർ അധിഷ്ഠിത പരീക്ഷ (CBT-2)
ഒന്നാം ഘട്ടത്തിൽ ഷോർട്ട്‌ലിസ്റ്റ് ചെയ്യുന്നവർക്കായിരിക്കും ഈ പരീക്ഷ.
ചോദ്യഘടന: 90 മിനിറ്റിനുള്ളിൽ 120 ചോദ്യങ്ങൾക്ക് ഉത്തരം നൽകണം.
വിഭാഗങ്ങൾ (മാർക്ക്): ജനറൽ അവയർനെസ് (50), മാത്തമാറ്റിക്സ് (35), ജനറൽ ഇന്റലിജൻസ് ആൻഡ് റീസണിംഗ് (35).
ഈ ഘട്ടത്തിലെ പ്രകടനമാണ് മെറിറ്റ് ലിസ്റ്റ് തയ്യാറാക്കുന്നതിൽ നിർണ്ണായകം. ഇവിടെയും 1/3 നെഗറ്റീവ് മാർക്ക് ബാധകമാണ്.
മൂന്നാം ഘട്ടം: സ്കിൽ ടെസ്റ്റ്
കമ്പ്യൂട്ടർ അധിഷ്ഠിത അഭിരുചി പരീക്ഷ (CBAT): സ്റ്റേഷൻ മാസ്റ്റർ, ട്രാഫിക് അസിസ്റ്റന്റ് തസ്തികകളിലേക്ക് അപേക്ഷിച്ചവർക്ക് ഇത് നിർബന്ധമാണ്.
കമ്പ്യൂട്ടർ അധിഷ്ഠിത ടൈപ്പിംഗ് സ്കിൽ ടെസ്റ്റ് (CBTST): ജൂനിയർ അക്കൗണ്ട്സ് അസിസ്റ്റന്റ് കം ടൈപ്പിസ്റ്റ്, സീനിയർ ക്ലാർക്ക് കം ടൈപ്പിസ്റ്റ് തുടങ്ങിയ തസ്തികകൾക്ക് ഇത് ആവശ്യമാണ്. ഉദ്യോഗാർത്ഥികൾ ഇംഗ്ലീഷിൽ മിനിറ്റിൽ 30 വാക്കുകളോ (WPM) അല്ലെങ്കിൽ ഹിന്ദിയിൽ 25 WPM-മോ ടൈപ്പ് ചെയ്യാനുള്ള കഴിവ് തെളിയിക്കണം.
