ആറ്റുകാല്‍ അംബാ പുരസ്‌കാരം മോഹൻലാലിന്


ആറ്റുകാല്‍ ക്ഷേത്ര ട്രസ്‌റ്റ് ഏർപ്പെടുത്തിയ ഈ വർഷത്തെ ആറ്റുകാൽ അംബാ പുരസ്‌കാരം ചലച്ചിത്രതാരം മോഹൻലാലിന് നൽകും. കലാപരിപാടികളുടെ ഉദ്‌ഘാടനവും അദ്ദേഹം തന്നെ നിർവ്വഹിക്കും. ഈ മാസം 17നാണ് ആറ്റുകാല്‍ പൊങ്കാല. ക്ഷേത്ര പരിസരത്ത് പണ്ടാര അടുപ്പിൽ മാത്രമായിരിക്കും പൊങ്കാല നടക്കുക. കൊവിഡ് സാഹചര്യത്തിൽ പൊങ്കാല വീടുകളിൽ മാത്രമാണ് അനുവദിച്ചിട്ടുള്ളത്.

കൊവിഡ് വ്യാപനത്തിന്റെ പശ്ചാത്തലത്തില്‍ ഈ വര്‍ഷത്തെ ആറ്റുകാല്‍ പൊങ്കാല പരിമിതമായ രീതിയില്‍ നടത്താൻ തീരുമാനിച്ചതായി സർക്കാർ അറിയിച്ചിട്ടുണ്ട്. കഴിഞ്ഞ ദിവസം ചേർന്ന കൊവിഡ് അവലോകന യോഗത്തിലാണ് തീരുമാനം. വിദ്യാഭ്യാസ മന്ത്രിയുടെ അധ്യക്ഷതയിൽ ദേവസ്വം മന്ത്രി കെ രാധാകൃഷ്ണൻ, ഗതാഗത മന്ത്രി ആന്റണി രാജു, മേയർ ആര്യാ രാജേന്ദ്രൻ തുടങ്ങിയവർ പങ്കെടുത്ത അവലോകന യോഗമാണ് ക്രമീകരണങ്ങളോടെ പൊങ്കാല നടത്താൻ തീരുമാനിച്ചത്.

Post a Comment

0 Comments