ബ​സി​നു​ള​ളി​ല്‍ വി​ദ്യാ​ര്‍​ഥി​നിയെ പീഡിപ്പിക്കാൻ ശ്രമം; ക​ണ്ട​ക്ട​ർ അ​റ​സ്റ്റി​ൽ

പ്രണയം നടിച്ച് പെൺകുട്ടിയെ ബ​സി​നു​ള​ളി​ല്‍ വെച്ച് പീഡിപ്പിക്കാൻ ശ്രമിച്ച സ്വകാര്യ ബസ് കണ്ടക്ടർ അറസ്റ്റിൽ. സം​ക്രാ​ന്തി സ്വ​ദേ​ശി തു​ണ്ടി​പ്പ​റ​മ്പി​ൽ അ​ഫ്സ​ൽ (31) ആ​ണ് അ​റ​സ്റ്റി​ലാ​യ​ത്. കോ​ട്ട​യം പാ​ലാ കൊ​ട്ടാ​ര​മ​റ്റം ബ​സ് സ്റ്റാ​ന്‍​ഡി​നു​ള്ളി​ല്‍ നി​ര്‍​ത്തി​യി​ട്ടി​രു​ന്ന സ്വ​കാ​ര്യ ബ​സി​നു​ള്ളി​ല്‍ വെച്ചായിരുന്നു പ്രതിയുടെ പീഡനശ്രമം. പീ​ഡ​ന​ത്തി​ന് കൂ​ട്ടു​നി​ന്ന ക​ട്ട​പ്പ​ന സ്വ​ദേ​ശി​യാ​യ ഡ്രൈ​വ​ര്‍ എ​ബി​നെ​യും പോ​ലീ​സ് പി​ന്നീ​ട് അ​റ​സ്റ്റ് ചെ​യ്തു.

പ്ര​തി​യു​ടെ ബ​സി​ലെ സ്ഥി​രം യാ​ത്ര​ക്കാ​രി​യാ​യി​രു​ന്നു എ​ട്ടാം ക്ലാ​സ് വി​ദ്യാ​ര്‍​ഥി​നി. പ്ര​ണ​യം ന​ടി​ച്ച് പെ​ണ്‍​കു​ട്ടി​യെ ഇ​യാ​ൾ വ​ശ​ത്താ​ക്കു​ക​യാ​യി​രു​ന്നു. ശ​നി​യാ​ഴ്ച ഉച്ചയോടെ സ്‌​കൂ​ള്‍ ക​ഴി​ഞ്ഞ് വി​ദ്യാ​ര്‍​ഥി​നി പ്ര​തി​യു​ടെ ആ​വ​ശ്യ​പ്ര​കാ​രം പാ​ലാ കൊ​ട്ടാ​ര​മ​റ്റം സ്റ്റാ​ന്‍​ഡി​ല്‍ എ​ത്തി. പി​ന്നീ​ട് ആ​ളി​ല്ലെ​ന്ന് പ​റ​ഞ്ഞു​കൊ​ണ്ട് ബസിന്‍റെ ട്രി​പ്പ് മു​ട​ക്കു​ക​യാ​യി​രു​ന്നു.

പെ​ൺ​കു​ട്ടി​യെ ബ​സി​നു​ള്ളി​ൽ ക​യ​റ്റി​യ​തി​നു​ശേ​ഷം കൂ​ട്ടാ​ളി​ക​ൾ പ്ര​തി​ക്ക് ഒ​ത്താ​ശ​ചെ​യ്ത ശേ​ഷം ഷ​ട്ട​ർ താ​ഴ്ത്തി പു​റ​ത്തു​പോ​വു​ക​യാ​യി​രു​ന്നു. തു​ട​ര്‍​ന്ന് പാ​ലാ ഡി​വൈ​എ​സ്പി​ക്ക് ല​ഭി​ച്ച ര​ഹ​സ്യ​വി​വ​ര​ത്തെ തു​ട​ര്‍​ന്ന് പാ​ലാ പോ​ലീ​സ് ബ​സി​നു​ള്ളി​ല്‍ നി​ന്നും കു​ട്ടി​യെ​യും പ്ര​തി​യെ​യും ക​ണ്ടെ​ത്തു​ക​യാ​യി​രു​ന്നു.